future plan – Dosslarb

រៀបចំផែនការជីវិត

ការរៀបចំអនាគត់ និង ការរៀបចំផែនការគ្រួសារដើរស្របគ្នាដូចម្តេច ក្នុងការសម្រេចបានក្តីស្រមៃ?

រឿង ស្នេហាវ័យក្មេង ភាគទី១ !

ថ្មីៗនេះខ្ញុំចាប់ផ្តើមមានទំនាក់ទំនងស្នេហាស៊ីជម្រៅជាមួយគូស្នេហ៍របស់ខ្ញុំ។ ពួកយើងស្រលាញ់គ្នាខ្លាំងណាស់ ហើយខ្ញុំចាប់ផ្តើមជឿជាក់លើគាត់។

ថ្ងៃមួយគាត់បានសួរខ្ញុំថា តើយើងអាចបង្កើនទំនាក់ទំនងរបស់យើងទៅកម្រិតបន្ទាប់បានទេ ដែលមានន័យថាគូស្នេហ៍របស់ខ្ញុំចង់រួមភេទជាមួយខ្ញុំ ដោយមិនប្រើស្រោមអនាម័យ។ ដំបូងឡើយ ខ្ញុំស្ទាក់ស្ទើរ ព្រោះបារម្ភខ្លាចមានផ្ទៃពោះដោយចៃដន្យ។

ខ្ញុំក៏បាននិយាយរឿងនេះជាមួយមិត្តរបស់ខ្ញុំ ហើយគាត់បានផ្តល់ដំបូន្មានល្អៗដល់ខ្ញុំ។ គាត់បានប្រាប់ខ្ញុំអំពីមធ្យោបាយពន្យារកំណើតទំនើបផ្សេងៗគ្នាដែលអាចរកបាន និងមានប្រសិទ្ធភាពខ្ពស់ ហើយគាត់បានជួយខ្ញុំក្នុងការជ្រើសរើសវិធីពន្យារកំណើតដែលសាកសមនឹងខ្ញុំ។

ខ្ញុំបាននិយាយជាមួយគូស្នេហ៍របស់ខ្ញុំអំពីមធ្យោបាយពន្យារកំណើតទំនើបដែលសាកសម និងមានសុវត្ថិភាពសម្រាប់ខ្ញុំ ។ ភ្លាមៗនោះ គាត់បានគាំទ្ររាល់ការសម្រេចចិត្តរបស់ខ្ញុំ។

ខ្ញុំលេបថ្នាំគ្រាប់ពន្យារកំណើតជារៀងរាល់ថ្ងៃតាមវេជ្ជបញ្ជារបស់គ្រូពេទ្យជំនាញ ហើយវាមានប្រសិទ្ធភាពសម្រាប់ខ្ញុំរហូតមកដល់ពេលនេះ។ ពួកយើងបានកំពុងរស់នៅជាមួយគ្នាជាងពីរឆ្នាំហើយ យើងសប្បាយចិត្តខ្លាំងណាស់។

យើងគ្រោងនឹងរៀបការក្នុងពេលឆាប់ៗនេះ ហើយយើងពិតជារំភើបក្នុងការចាប់ផ្តើមគ្រួសារជាមួយគ្នា។ ខ្ញុំដឹងថាមានរឿងជាច្រើននៅក្នុងជីវិតដែលមិនស្ថិតនៅក្រោមការគ្រប់គ្រងរបស់យើង ប៉ុន្តែខ្ញុំដឹងច្បាស់ថា ខ្ញុំមានសិទ្ធិអំណាចគ្រប់គ្រាន់ក្នុងការសម្រេចចិត្តដោយខ្លួនឯងអំពីរូបកាយ និងអនាគតរបស់ខ្ញុំ។

ខ្ញុំប្ដេជ្ញាចិត្តថាជៀសវាងការមានគភ៌ដោយមិនបានគ្រោងទុក ព្រោះខ្ញុំដឹងថា វានឹងមានផលប៉ះពាល់អវិជ្ជមានដល់សុខភាព និងស្ថានភាពហិរញ្ញវត្ថុរបស់ខ្ញុំ។

មានគូស្នេហ៍វ័យក្មេងមួយគូដែលទើបតែមានទំនាក់ទំនងជាមួយគ្នាថ្មីថ្មោង។ ពួកគេស្រឡាញ់គ្នាខ្លាំងណាស់ ហើយចង់បានភាពស្និទ្ធស្នាលខាងផ្លូវភេទ។ ពួកគេក៏បានដឹងអំពីហានិភ័យនៃការមានផ្ទៃពោះដោយចៃដន្យ និងមានការប្រុងប្រយ័ត្នផងដែរ។

ពួកគេដឹងពីមធ្យោបាយពន្យារកំណើតទំនើបមួយចំនួន ដូចជាថ្នាំគ្រាប់ពន្យារកំណើត និង កងដាក់ក្នុងស្បូន ជាដើម។ ទោះជាយ៉ាងណាក៏ដោយ ពួកគេបានពឹងផ្អែកលើមធ្យោបាយធម្មជាតិដូចជាមធ្យោយបាយចាក់ទឹកក្រៅពាង និងមធ្យោយបាយប្រតិទិន។

ពួកគេបានសម្រេចចិត្តប្រើមធ្យោបាយតាមប្រតិទិនដែលពាក់ព័ន្ធនឹងការតាមដានវដ្តរដូវរបស់ស្ត្រី ដើម្បីកំណត់ថាតើមានកូននៅពេលណា។ ជាក់ស្តែង មធ្យោបាយធម្មជាតិមិនមានប្រសិទ្ធភាពក្នុងការការពារការមានផ្ទៃពោះដោយចៃដន្យ ដូចមធ្យោបាយពន្យារកំណើតទំនើបនោះទេ។ មួយខែក្រោយមក ខាងស្រីមានផ្ទៃពោះដោយមិនបានគ្រោងទុក ទោះបីជាពួកគេបានប្រុងប្រយ័ត្នក្នុងការអនុវត្តវិធីសាស្រ្តធម្មជាតិក៏ដោយ។

ពួកគេភ្ញាក់ផ្អើល និងព្រួយបារម្ភខ្លាំងណាស់ ព្រោះបច្ចុប្បន្ននេះពួកគេមិនដែលមានបំណងចង់បានកូនទេ។ រឿងនេះជាការដាស់តឿនមួយថា សូម្បីតែគូស្នេហ៍មួយគូនេះប្រុងប្រយ័ត្នប៉ុណ្ណា ក៏តែងមានឱកាសមានផ្ទៃពោះដែរ ប្រសិនបើពួកគេមិនបានប្រើប្រាស់មធ្យោយបាយពន្យារកំណើតទំនើប។ ពួកគេមិនបានត្រៀមខ្លួនសម្រាប់ការមានផ្ទៃពោះទេ។

ការចំណាយលើមធ្យោបាយពន្យារកំណើតទំនើបអស់តែ5$ ទៅ 10$ តែប៉ុណ្ណោះ ក្នុង១ខែ
ហើយយើងអាចមានកូនតាមប្រាថ្នានៅពេលឈប់ប្រើវា។ តែបើមានបេប៊ីវិញ អស់ជាងរាប់ពាន់ដុល្លារ គិតថាមួយណាសាកសមនឹងជីវភាពយើងជាង?

ផតខាស់ "ជម្រើស និងគន្ក្លឹះក្នុងការទៅរកសេវាពន្យារកំណើតទំនើប"

ហេតុអ្វីបានជាជម្រើសនៃមធ្យោបាយពន្យារកំណើតសំខាន់?

គូស្នេហ៍ខាងប្រុសគួរតែធ្វើដូចម្តេច ប្រសិនជាគូស្នេហ៍ខាងស្រីមានភាពអៀនខ្មាស់នៅពេលដែលនិយាយពីមធ្យោបាយពន្យារកំណើតទំនើប។

តើខ្ញុំគួរតែធ្វើការសម្រេចចិត្តលើការប្រើប្រាស់ធ្យោបាយពន្យារកំណើតទំនើបជាមួយដៃគូរបស់ខ្ញុំ ឬក៏ដោយខ្លួនឯងបាន?

វីដេអូគន្លឹះ

វីដេអូនេះនឹងផ្តល់អ្នកនូវគន្លឹះមួយចំនួនក្នុងការរក្សាស្នេហារបស់អោយមានទាំងសុខភាព និងសុខុមាលភាពល្អ និងរឹងម៊ាំដូចស៊ីម៉ង់។

វីដេអូនេះនឹងផ្តល់អ្នកនូវគន្លឹះមួយចំនួនក្នុងការធ្វើឲ្យទំនាក់ទនងផ្លូវភេទកាន់តែល្អប្រសើរ។

តើធ្វើដូចម្តេចបានធ្វើអោយមានសុខុមាលភាពផ្លូវភេទ និងបទពិសោធន៍ល្អ?

ព័ត៌មានដែលបានផ្តល់នៅក្នុងគេហទំព័រនេះគឺអាចធ្វើទៅបានដោយជំនួយសប្បុរសរបស់ប្រជាជនអាមេរិក តាមរយៈទីភ្នាក់ងារសហរដ្ឋអាមេរិកសម្រាប់ការអភិវឌ្ឍអន្តរជាតិ (USAID)។ ខ្លឹមសារគឺជាការទទួលខុសត្រូវរបស់អង្គការអន្តរជាតិបំរើសុខភាពប្រជាជន ហើយមិនបានឆ្លុះបញ្ចាំងពីទស្សនៈរបស់ USAID ឬ រដ្ឋាភិបាលសហរដ្ឋអាមេរិកទេ។

រៀបចំផែនការជីវិត

រឿង ស្នេហាវ័យក្មេង ភាគទី១ !

រឿង ស្នេហាវ័យក្មេង ភាគទី២ !

ផតខាស់ "ជម្រើស និងគន្ក្លឹះក្នុងការទៅរកសេវាពន្យារកំណើតទំនើប"

វីដេអូគន្លឹះ